كأس العالم

هالسنه كأس العالم كان له طعم ثاني بالنسبة لي

لانه صار احلى واحلى

كل يوم من الساعه 4العصر لي 1 بليل

نتيمع بهالديوانيه

وغير شوفة المباريات نسوي كل شي يخطر ببالكم ..

حتى لعب كره داخل الديوانية لعبنا :)

الحمدالله ان الثريات ليلحين ما إنكسروا

بس طاح منهم شوية تناتيف ^_^

صج كاس العالم " المليق " هالسنه

لانه مافي مستوى .. حلته اليمعه

اللي يبي ايي لا يستحي

على قولة المرشحين

بحضوركم تكتمل الفرحه والسرور :)

ملاحظه : اللي ايي خل اييب وياه كنافة :P

***

اليوم واحد من الشباب الله يهداه

أبوه رفيج واحد من المرشحين

اللي اللهم زيد وبارك عليهم وعلينا

فلوسه تحت كل مخده تنرفع

وبكل بنك .. مع ان عندهم بنك

المهم قاعد يمدح فيه

اقوله يا فلان ..

هذا نصاب .. نصاب كبير بعد.. هذا يشتري اصوات

قال لاء ما يشتري اصوات ترا خوش واحد

ويسترسل الحبيب بالحديث ويقول ..

بالمقر النسائي اللي عنده

وزع جناط أنتيكه إنما أيه

سعرها ما يقل عن 300 او 400 دينار

وداخل كل وحده منهم " المقسوم " اي والله هذا اللي قاله بالحرف الواحد

قلت له المقسوم يعني شنو .. مو شراء اصوات ؟

قال لاء اهو ما لزمك تصوتله

هذي هديه ..

قلت له سين من العلماء محرم هالشي وقايل الهديه مو وقت الانتخابات

هذي تعتبر رشوه ..!

وكاف من العلماء نفس الشي

قال لالا اهو يساعد الكل

يعني حتى لو تروحله تقوله ابوك مريض

يدزه بعالجه بره على حسابه

والله خوش والله خوش ..!

ليش ما سمعنا عن اعمال الخير والهدايا " القيمه " هذي للناس من قبل ..!

ومساعدة الناس والأوادم ليش ما صارت قبل الانتخابات ..!

وهل راح تصير بعدها ؟

والحين صايرين يدشون الديوانيات ..

يقولون ..

تلفزيونكم هذا مو جنه صغير ؟

ما تبون أكبره لكم ..

ثاني يوم تلفزيون بلازما بـ3000 دينار !!

نقطة نهاية السطر

على قولة قحطه او سي أحطه بدرب الزلق

ييييييييييو يا ان بعض الناس راح يتمصخرون ..!