في تاريخ 3-8 فجرا الموافق يوم الخميس
سيغادر سعادتي مطار الكويت متجها الى العاصمة الماليزية كوالالمبور
واعلن ديوان حضرتي في بيان رسمي له اليوم
أنه سيشتاق رسميا للبلوقات ..
ويعتذر عن عدم اكمال سلسلة رسائل من خريج
ويعد بإكمالها حين عودته
رافقت حضرتي السلامه بالحل والترحال
10 comments:
مارشال
تروح وترجع بالسلامة, دير بالك على نفسك
~ MARSHAL ~
إن شاء الله تروح و ترجع بالسلامة ,
عندك محطتين و بلوق ينطرونك بالكويت :)
و بالمرة , كل عام و انت بخير .. و عقبال مية سنة يا رب ,
كمل هالسنة , و روح احتفل فيها بماليزيا :>
نشوفك على خير ,
تروح وترجع بالسلامة يا مارشال
تبي شوري وانا اخووووك؟
اذا كنت رايح مع الاهل لا يطوفكم منتجع (أفاموسا) يبيلة يومين
وفي جزيرة اسمها (لنكاوي) هذي صج صج صج جنة لا تطوفك
لا تنسى الصوغة ؟
تروح وترجع بالسلامة
هذي المرة ماقلت تبغون هدايا وإلا لا
هههههههههه
المهم تستمع بالسفرة
فحفظ الرحمن يارب
نتمنى السلامه لسعادتكم
وانشالله تروح وترجع بالسلامه
راح نشتاقلك
يقولك q8-eye
روح منتجع افاموسا انا اقولك عن تجربه ماطاف عليها شهر وتوني راده من ماليزيا لااااااااااااااااا ترووووووووووح وييييييييييييع زهقه ورطوبه حده
اما جزيرة لنكاوي يعجز اللسان عن وصفها
وهم جزيره بننج حلوه
ولاتنسى تروح جنتنج وناسه برد
وفي كوالا لامبور
عندهم اماكن سياحية تونس
حديقة الفراشات والطيور
وهم حديقة الزهور
الاكواريوم حلو
عندهم مجمع klcc فظيييييييييع
سن ويي لا جون)) هم مجمع ))
فيه اكوابارك و مدينه ملاهي وهم سوق
china town وناسه بس زحمه وحرررر
mega mall هم مجمع حلو
شارع العرب فيه مجمعات وايد اسم الشارع buket bntang
اعتقد يكتبونه جذي
في كفيهات ومطاعم عربيه وايد
طبعا راح تشبع خز منهم جنك ياي من كوكب ثاني
والله يعينك على العقد والهيلق في كل مكان تلاقيهم
الجو ترى رطوبه وايد
بس جنتنج بارده
بس هذا اللي اذكره الحين واذا ذكرت شي بعد راح اقولك
وعاد لا تنساني بالصوغه
تروح وترجع بالسلامة :)
وبكل شوق صراحة لتكملة رسائل خريج
وكل عام وانت بخير قبل 3 ساعات
ماعتقد احد سواها :PpP~~
ارجع بالسلامة :)
صوفيا ..
خخخخخخخخخخخخخخخ حساوية يقولج ((اجل بعدين كيف اربح لو محسب خساراتي)) يعني الصبر مفتاح الفرج
الله يكون في عونج
انتي بغيتي تروحين لبنان شوفي شنو صار فيها انا اقولج قعدي بديرتج ابركلج وابرك لنا يامعوده باجر تقولين بروح امريكا يصير عندهم زلزال ولا تنخسف فيهم الارض
قعدي مكانج بس قعدي
وتعوذي من ابليس خلي الريال يروح
ويرجع بالسلامه يعني حرام عليج اهو
شنو ذنبه مسكين
marshal قبل لاتسافر ادفع دفعه بله حق فقير ولا سو اي شي ترى هذي وحده بوحده
sarah
الله يسلمج ان شاء الله
وانا ايضا سافتقدكم
لمياء
الله يسلمج .. لا توصين حريص
miss q8
اي والله وراي وايد شغل بعد الرده من السفر :)
Q8-eye
تسلم على المشوره
وان شاء الله لنكاوي او لنقاوي .. من ضمن خططنا :)
tala
اي قلت ماكو هديه احلى من رجعتي ..
a7la7ob
ماشاء الله :)
ان شاء الله ازور كل هالاماكن :P
وين صوغتي علشان اييبلج مثلها بما انج سبقتيني
cuteya
الله يسلمج
والصوغه امممم :P
حساويه
قل اعوذ برب الفلق ..
الله يستر لا يصير فيني شي
شكلي بييبلج صوغه غصبن علي
علشان لا يصير فيني شي :P
صوفيا
ربعي باركولي قبلها بثلاث ايام :P
الله يسلمج
a7la7ob
اي والله شكلي بتصدق .. دفعة بلاا يا معوده
arwa
شكرا
كيتي
الله يسلمج .. واذا اقل من رطوبة الامارات مو مشكله عندي :)
اي انتي واهو سويتوا حرب
اهم شي تعريف حمود زيتونه لو يدري خخخخخخخخخخ
marshal
صوغتك موجوده
بس سلم واستلم
اول شي اضمن صوغتي
واشوفها بعيني
اي هذا من حقي
I have been looking for sites like this for a long time. Thank you! domain name register Computers lcd monitors wholesaler American exchange coat Camping calvados Newtone health and fitness in lafayette in Tv smart car uk Acuvue oasys.htm Norton antivirus manual uninstall
Post a Comment