كل عام وانتو بخير حلول شهر رمضان
لكن في عدة اسئلة تطرح نفسها ..
ليش المسلسلات ما تحلى لهم مواضيع الرقص والهشك بشك الا برمضان ..!
ليش كل مسلسل برمضان لازم يحطونهم واهم ياكلون واحنا صايمين ..!!
ليش الممثلات ما يتفنون بالملابس الشسمه الا اذا اشتركوا بمسلسل يدرون انه ينعرض برمضان ..!!
ليش كل مسلسل فيه بنت صايعه ..!!
وليش كل مسلسل فيه غني وفقير ..!!
ليش كل مسلسل فيه اسم يضحك !!
ليش هالسنه في فوق 50 مسلسل عربي ..!!
****
شنو ترشحون أحلى مسلسل ..
عن نفسي أرشح مسلسل اسمه
" ربعنا وربعنا الثانيين وربعهم ..! "
المسلسل يتكلم عن عدة اشخاص يرون الهلال بينما لا يراه الاخرون ربما لانه مخفي عن البعض او ان الاشخاص الاوائل نظرهم مثل زرقاء اليمامه ..
فبعضهم يعلن رمضان
والاخرون ينتظرون اليوم الثاني
بينما يأتي مجموعه اخرى من منظمة ربعهم
وعناد للمجموعه الاولى او الثانيه .. رغم عدم رؤيتهم الهلال لاسباب فلكيه جغرافيه مناخيه طبيعيه
ورؤية منظمة ربعنا العالميه للهلال ..
يعلنون نكاية فيهم .. عدم رؤيتهم الهلال ..
هذا المسلسل قديم كان له اجزاء تاريخيه فهو يمتد طوال سنين طويله ففي كل سنه جزء
واحلى مافي هالمسلسل انه مو 30 حلقه بس
يمتد 45 حلقه لي بدر الشهر اللي وراه ..
علشان يعايرون بعض منو الصح ومنو الغلط :) لان بدر الشهر اللي وراه يحكم
هالمسلسل مثل ما قلت يتميز عن غيره بالتالي :-
1- هناك مئات الاجزاء منه
2- يتكون اكثر من 30 حلقه
3- البدايه مثيره والنهايه مثيره
ويتشابه مع المسلسلات بانه :-
1- يوجد ميانين مثل باقي المسلسلات .. حيث ان في ميانين يصومون غير عن ربعنا وربعنا الثانيين وربعهم .. فبجزء السنه اللي طافت صار فرق الهلال يومين ..!!! شي غريب مو ؟
2- نهايته سعيده لكل الاطراف ففي النهايه عيد ..!
وكل عام وانتو بخير
13 comments:
عساكم من عواده
احذروا اللقيمات فانها عدوة الرشاقة والقوام الممشوق
اللي يضحك لما يطلع لهلال يشق السما وربعنا ما يصومون ..ليش بالله جم هلال اكو ..هذي احلى حلقه فكاهيه من المسلسل والله اما الباجي متعودين عليهم
ربعنا وبعهم وربعنا الثانيين ..واحلى شي لما ربعهم يدرون ان رمضان ويصومون مع ربعنا الثانينن ويقولون مو رمضان ولا سألتهم شحقى صمتوا عيل يقولون يوم شك
وييييييه
والله خوش مسلسل
على اي قناة؟؟
علينا وعليك وعساك من عواده اخوي
الليشات الوايد الي ذكرتها كله بسبب ان الناس برمضان تقعد اكثر من الاوقات العاديه في البيت فشلون يلهون الناس الا بهالمسلسلات والبرامج ماجنه شهر العباده والطاعه خو كله شهر بالسنه الشكوه لله :/
كل عام وانت بخير
:)
عن جد ضجكت من قلبي
و فعلا موفق باختيارك هالقصه
عن جد موفق :)
شكرا ليك
و ان شاء الله "نتشارك" في شيء مره :)
يمكن الميانين اهم الصح والربع وربع الربع غلطانين، مو؟
بالنسبة لي، كلهم ما عندهم سالفة على هذا الاختلاف في عصر التكنلوجيا المتقدمة هذا، يا أخي هلال موقادرين تتفقون على رؤيته؟ أدري العين المجردة، بس ممكن تطلع فتوى تضع التكنلوجيا بجانب العين، والا لأ؟ :)
eMBarak 3alaik elshahar :)
9iJ shar elBaliyya Ma Yoth7ik !!
we7na maasheen ma3a rabe3na oO alla yaster :p..
كل عام وانت بخير
عاد انا هالرمضان مدري شفيني ماتابعت ولا برنامج
ما حسيت فيه شي يستاهل
:\
تحياتي
صاحب الكومنت الممسوح :)
حياك الله
عاجل
عيل لازم اكثر منها :)
عتيجة
على قناة الحياة الواقعيه :)
النهايه قربت :)
اجمل جميله
اي والله ..!
كيتي
انا بديت بخالد الوليد واخر شي ما قمت اتابعه وصرت اتابع الفريه بس :)
تالا
وانتي بخير وصحه وسلامه
yosr
حياج الله والله يسمع منك :)
وايت ونج
والله ما اقدر افتي بس اذا في نص صريح ان يجب بالعين المجرده فلا يجوز الاجتهاد امام النص الصريح
اروى
علينا وعليج يارب
كوكه
علينا وعليج
ساره
هذي الحاله منتشره .. محد يشوف شي
وانته بخير وبصحه وسلامه
ومره وحده عيدك مبارك مقدما
اي والله
عاد خوش مسلسل يعني هالسنه في ثلاث اعياد يعني ربعنا الثالثين راح يداومون ثاني يوم عيد عنهم
ملاقققققققققه
وعلى طاري المسلسلات والله انه مافي ولا مسلسل يتابع ولا في قصه حلوه
اللي معور قلبي انه ماعرضوا أسد الجزيره ((عيال المنصور))وعارضين الامبراطوره المسخره
ولا زم تفنن بالملابس عشان يدرون كلمن بطالعهم
البنت الصايعه شي اساسي
والغني والفقير خووو افلام هنديه
يمكن احسن مسلسل شفته لي الحين ((راس غليص )) و (( خالد بن الوليد)) وخالد امين والممثلين الكويتين الصراحه بدعوا
واحلى برنامج محمد العوضي بيني وبينكم
الصراحه يبدع يتفنن بالمواضيع وطريقه القاءه الا انه في اشياء ناقصه
بس والله يعطيه العافيه
وانت بعد يعطيك العافيه على هالبوست
اي نسيت واهم شي بالموضوع تعليق عاااااااااجل
ماله شغل بالموضوع كلش
اسمحلي مارشال
http://www.gindis.com/modules.php?name=Account&file=index&op=game&userid=MzcyODA3
Post a Comment